“Тоттенхэм” бош мураббийи Маурисио Покеттино АПЛ 2-тури “Сток Сити”га қарши учрашув (2:2) ҳақида гапирар экан қайд этилган натижадан ҳафсаласи пир бўлганини яшириб ўтирмади. 

Эслатиб ўтамиз, аргентиналик мураббий қўл остидаги жамоа биринчи бўлимдан кейин 2:0 ҳисобида олдинда борганди, аммо “Сток Сити” иккинчи бўлимда иккита тўп киритиб “шпорлар”ни дуранг билан чекланишга мажбур этди.

– Футболда финал ҳуштаги янграмасидан туриб ғалаба қозондим деб хулоса чиқариб бўлмайди, – дея Покеттино сўзларини келтиради BBC га асосланиб Спорт Экспресс. – Натижадан ҳафсалам пир бўлди. Жамоа 70 дақиқа давомида яхши ўйин намойишқ қилди, пенальти эса учрашув воқеаларини ўзагартириб юборди. Ниятни яхши қилиш, фақат олдинга интилиш ва ишлашда давом этиш лозим.