Германиянинг ўртамиёна клуби "Аугсбург" раҳбарияти "Барселона" ҳимоячиси Жерер Пикени жамоага таклиф қилди.
Ушбу таклифни клубнинг спорт директори ўз твиттерида ёзган.
Ўтган ҳафтада Пике Бундеслиганинг янги мавсуми учун тахминларини билдирган. Пике "Бавария"нинг чемпион бўлишини, Левандовскининг энг яхши тўпурар бўлишини ва энг катта сюрприз кўрсатиши мумкин бўлган жамоа сифатида - "Аугсбург"ни айтган.
"Аугсбург" спорт директори Штефан Ройтер твиттерга шундай сўзларни ёзган: "Пике, келинг сюрпризни ҳозир бошлай қолайлик. Футболка тайёр. Сизни жамоада кутяпмиз!".
Хабарга Пике фамилияси ёзилган клуб футболкаси илова қилинган.