Шимолий Кореянинг Пхеньян шаҳрида халқаро турнир старт олмоқда.

Хабарингиз бор, мусобақа ташкилотчилари худди шу турнирни бунгача Жанубий Корея ва Хитой мамлакатларида U-15 ва U-16 ёш тоифасида уюштиришганди. Турнирдан кўзланган асосий мақсад Шимолий ва Жанубий Корея мамлакатлари ўртасидаги алоқаларни мустаҳкамлашдир.

15 ёшли футболчилар ўртасида иккинчи бор ўтказилаётган “Ari Sports Cup” турнирида “Бунёдкор” футбол мактабининг 2000 йилда таваллуд топган футболчилари иштирок этишади. Отабек Ғуломхўжаев мураббийлигидаги жамоамиз айни пайтда Пхеньян шаҳрида бўлиб туришибди. Таъкидлаш жоизки, “Бунёдкор-2000” ушбу турнирнинг амалдаги ғолиби ҳисобланади ва бу сафар ўсмирларимиз чемпионликни ҳимоя қилишлари талаб этилади.

Кеча турнирнинг гуруҳ босқичига қуръа ташланди. Унга кўра, жамоалар тўрттадан иккита гуруҳга ажратилди. Учрашувлар 21 августдан старт олади. Турнирнинг биринчи кунида “Бунёдкор-2000” мусобақа мезбонлари “Пхеньян” жамоаси билан куч синашади.

“А” ГУРУҲИ
1. “4.25 спорт клуби” (Шимолий Корея)
2. “Кёнгидо” (Жанубий Корея)
3. “Гуанчжоу” (Хитой)
4. “Атлетико Ювентус” (Бразилия)

“В” ГУРУҲИ
1. “Бунёдкор” (Ўзбекистон)
2. НК ОСИЕК (Хорватия)
3. “Пхеньян” (Шимолий Корея)
4. “Кангвондо” (Жанубий Корея)