“Бунёдкор” – “Локомотив” учрашувидан кейинги матбуот анжуманининг иккинчи қисмида “қалдирғочлар” устози қатнашди.
- Ўйин дурангга мос эди. Афсуски, тенг ўйинда ютқазиб қўйдик. Ўйлашимча, бугун бизга тажриба етишмади. “Локомотив” битта хатони кечирмади ва гол урди. Умуман олганда, “Локомотив” тажрибали жамоа. Фикримча, тўпни ўзида назорат қилиш ва ҳужумкор ўйин кўрсатиш бўйича “Локомотив” юртимиздаги энг кучли жамоа. Биз ўзимиз яратган вазиятларни голга айлантира олмадик. Бир вазиятда Сато рақибни кечирди. Жамоа мағлуб бўлдими, демак мен мураббий ютқаздим, - дейди Сергей Иванович.