"Навбаҳор" - "Бунёдкор" учрашувидан сўнг ташкил этилган матбуот анжуманида дастлаб меҳмонлар бош мураббийи Сергей Лушан иштирок этиб, журналистлар саволлларига жавоб қайтарди.
"Жуда оғир ўйин бўлди. Шунга қарамай босим ўтказишга муваффақ бўлдик. Ўйин ва натижадан қониқдим. Рақиб қарши ҳужумларни пойлаб ўйнашини билардик. "Навбаҳор"да бир жуфт голли вазият вужудга келганди. Аммо, уларнинг урунишлари самара келтирмади. Биз эса учта вазиятдан бирини голга айлантирдик. Академиямиз ишлаётганини инобатга олиб, биз таркибни бирданига ёшартириб юбордик.
Клубимиз ривожланиш стратегиясининг асосий мақсади - яқин йиллар ичида тарбияланувчиларимиз асосий таркибнининг камида 70 фоизини ташкил этишидан иборат. Ёшларга ишониб, айрим жихатларда зарар кўрдик. Бошқа клубларга нисбатан, биз пул ишлашни бошладик. Эътибор берган бўлсангиз, 16 футболчимиз ёшлар ва миллий терма жамоаларига жалб этилган".