ПФЛнинг тартиб-интизом қўмитаси ўз қарорларини чиқарди. Бу ҳақида ПФЛ расмий сайти хабар бермоқда.
Олий лига
"Динамо" ҳимоячиси Акмал Бозоров 18-турда "Қизилқум" аъзосининг қорнига оёғи билан ҳаддан ташқари жиддий зарба бергани боис, жаримага тортилди ва 3та ўйинга дисквалификация қилинди.
"Олмалиқ" ҳужумчиси Шавкат Саломов ва "Машъал" дарвозабони Ботир Носиров 19-турдан ўрин олган «Олмалиқ» - «Машъал» ўйинида ўзаро келиша олмай, муаммо келтириб чиқаргани боис, жаримага тортилди ва огоҳлантирилди. Агар бу ҳолат яна такрорланса чоралар жиддийлашади.
Ўзбекистон Кубоги
«Локомотив» ҳужумчиси Темурхўжа Абдухолиқов «Насаф»га қарши ўйинда ҳакам томонига номақбул гапларни айтгани учун жаримага тортилди ва 3та ўйинга четлатилди.
