Украина чемпионатининг 6-турида ҳамюртимиз Санжар Турсуновнинг “Ворскла” клуби ниҳоят кетма-кет дуранглардан сўнг ғалабага эришди. Полтаваликлар ўз майдонларида Харьковнинг “Металлист” клубини қабул қилиб, кичик 1:0 ҳисобида зафар қучишди.
Ягона гол ўйиннинг 86-дақиқасида Дитятьев томонидан киритилди. Терма жамоамиз ярим ҳимоячиси ўйинда тўлиқ майдонда ҳаракат қилди ва 83-дақиқада огоҳлантириш олишга ҳам улгурди.
“Ворскла” бундан аввалги 5та ўйинда дуранг қайд этганди. Полтава клуби илк ғалабага эришган бўлса, харьковликлар дастлабки мағлубиятни қабул қилиб олишди. Очколарини 8тага етказиб олган “Ворскла” турнир жадвалида 7-ўринга кўтарилиб олди.
ВОРСКЛА – МЕТАЛЛИСТ 1:0 (0:0, 1:0)
“Ворскла им. А. Бутовского”
Гол: 1:0 – 86 Дитятьев.
“Ворскла” – Ткаченко, Пердута, Даллку, Симинин, Дитятьев, Ткачук, Скляр (Бартулович, 76), САНЖАР ТУРСУНОВ, Громов, Мищенко (Ковпак, 70), Шиндер (Баранник, 36).
“Металлист” – Погорелий, Путивцев, Соболь, Рижук, Чурко, Ковальчук, Рудика (Назаренко, 81), Бобко (Беседин, 58), Приемов, Довгий (Кулиш, 89), Полянский.
Огоҳлантиришлар: Дитятьев (49), Скляр (70), САНЖАР ТУРСУНОВ (83).
