Терма жамоа ўйинлари туфайли олий лигада танаффус эълон қилинганидан хабарингиз бор. Шу боис кўплаб жамоалар кичик таътилга чиқишганди. Лекин “Қўқон-1912” жамоаси аллақачон машғулотларни бошлаб юборган.

Олдин хабар бериб ўтганимиздек, қўқонлик футболчи 4 кунлик таътилни тугатиб 30 августдан Тошкентда тўпланиб йиғинни бошлашди. Қисқа муддатли йиғин 4 сентябрга қадар давом этади.

Ушбу йиғин якунида футболчиларимиз ЖЧ-2018 саралаш босқичи доирасидаги Ўзбекистон – Яман ўйинини бевосита стадионда кўзатиш имкониятига эга бўлишади.  

Эслатиб ўтамиз,  "Қўқон-1912" жамоаси кейинги ўйинни 12 сентябрь куни "Машъал"га қарши ўтказади.