Бокс бўйича Ўзбекистон терма жамоаси Таиландда бўлиб ўтган Осиё чемпионатида умумжамоа ҳисобида 2-ўринни эгаллади.

Аввал хабар бериб ўтганимиздек, бугун 7 нафар спортчимиз финал баҳслари учун рингга кўтарилишди. Боксчиларимиздан Ҳасанбой Дўсматов (49 кг.) ва Бектемир Мелиқўзиев (75 кг.) ўз рақибларини мағлуб этиб, олтин медалларга эга бўлишди. Қолган 5 нафар спортчимиз мағлубиятга учрашди. Муроджон Аҳмадалиев жангида ҳакамлар мезбон боксчисига ёнбосишганини таъкидлаш лозим.

Натижада 2та олтин, 5та кумуш ва 1та бронза медалини қўлга киритган Ўзбекистон терма жамоаси умумжамоа ҳисобида 2-ўринни банд этди. 5та олтин, 1та кумуш ва 1та бронза медалларига эга бўлган қозоғистонликлар 1-ўринни ўз томонларига оғдириб олдилар. Учинчи поғона Таиландга насиб этди.