isport.blesk.cz сайтининг хабар беришича, “Баник” жамоаси мураббийи, кубок бахсларида мувафаққиятсиз иштирок этиб, “Искра Рымаржов” жамоасидан учралган мағлубият учун футболчиларни ажойиб йўсинда жазолади. Эндиликда футболчилар 5 кун давомида соат эрталаб 7 дан 9 гача қурилиш ва тозалаш ишлари билан бандлар.
“Бу жазо бизнинг ўйинчиларга, ўз профессионл касбларга қай тарзда ёндашишлари кераклигини яна бир бор эслатиб қўйади”, — деб жамоа мураббийи Радомир Корыжар ўз қарорини изоҳлади.
Хаммадан кўпроқ белкурак билан хорватиялик Давор Кукец кўзга ташланган, бразилиялик Карлос Азеведо эса бармоғини жароҳатлаб олгани хабар қилинди.
Айтингчи, сизнингча бу жазо бизнинг жамоаларга нисбатан қўлланилганда, фойда берган бўлармиди?