Ўзбекистон миллий терма жамоаси делегацияси 9 сентябрь куни чартер рейс билан Маниладан Тошкентга қайтиб келди.
Терма жамоа легионерларидан тўрт нафари — Сервер Жепаров, Анзур Исмоилов, Сардор Рашидов ҳамда Азизбек Ҳайдаров Филиппиндан тўғридан – тўғри рейслар орқали ўзлари чемпионатида иштирок этаётган мамлакатларга учиб кетишди.
Эслатиб ўтамиз, 8 сентябрь куни бўлиб ўтган Филиппин терма жамоасига қарши ўйинда Ўзбекистон 5:1 ҳисобидаги ишончли ғалабани қўлга киритиб, “H” гуруҳида иккинчи ўринга кўтарилиб олди.
Ўзбекистон миллий терма жамоасининг Жаҳон чемпионати-2018 доирасидаги навбатдаги ўйини 8 октябрда, сафарда Бахарйнга қарши бўлиб ўтади.
