Евро-2016 саралаш баҳслари доирасида Англия терма жамоаси Швейцарияни 2:0 ҳисобида мағлубиятга учратди.
Мазкур учрашувда Уэйн Руни 84 дақиқада пенальтидан унумли фойдаланиб, терма жамоа сафида киритган голлар сонини 50 тага етказди. “Челси” сардори Жон Террининг таъкидлашича, Руни – юксак иқтидор соҳиби ва Англия футболи тарихидаги энг яхши футболчи экан.
- Мен Уэйндек ажойиб истеъдод билан бирга тўп сурганимдан хурсандман. У мен учун инглиз футболи тарихидаги энг яхши ижрочидир. У тўп билан шундай ажойиб ишларни амалга оширадики, бу ҳар кимнинг ҳам қўлидан келмайди. Руни билан фахрланаман, у – чин маънода афсонадир, дея ёзади Терри ўз инстаграмида.
