"Бавария” спорт директори Маттиас Заммер жамоа ярим ҳимоячиси Марио Гётценинг кўп қиррали футболчи эканини айтиб ўтди. Заммер фикрича Германия терма жамоаси ўйинчиси ҳимояда ҳам фойдали ўйнай олади.
“Икки йил ўтгач Гётце ҳимоявий томондан ҳам яхши ўйин намойиш қилиши мумкин. Бизнинг ўйин тизимида Марио 6та позицияда ҳаракат қилиши мумкин. Унинг ёзда “Бавария”дан кетмагани келажак учун ташланган асосий қадамлардан бири”, — дея Заммер сўзларидан иқтибос келтиради Kicker га асосланиб Championat.com.
Эслатиб ўтамиз, Марио Гётце гарчи ўтган йили ёзда Бразилия яшил майдонларидаги мундиал чемпионлигига муносиб улуш қўшган бўлса ҳам, “Бавария” таркибидаги ишончсиз ўйинлари ва беқарор ўйини сабаб танқидларга учраганди
