Голландия футбол федерацияси Данни Блинднинг истеъфога чиқиши ҳақидаги хабарларни инкор этди.
Голландия Блинд бошқаруви остида иккита ўйинда мағлуб бўлган ва “апелсинранглилар” Евро-2016 саралашидаги ҳолати анчайин аянчли. Голландлар Туркиядан 2 очкога ортда қолишмоқда ва гуруҳда 4-ўриндалар.
“Данни Блинд ишдан олинмайди. У терма жамоа билан 2 та ўйин ўтказди холос. Иккала учрашувдаги мағлубиятларга қарамай, биз Европа чемпионати финал босқичига чиқиш имкониятини сақлаб қолганмиз.
Блинд ЖЧ-2018гача амал бўладиган шартнома имзолаган. Келишувга кўра у Евро-2016 саралаш босқичи якунига етганидан кейин директорлар кенгаши билан учрашув ўтказади. Бу бир неча ойдан кейин содир бўлади ва раҳбарият Блинднинг иши қониқтириши ёки қониқтирмаслиги борасида бир қарорга келади”, – дейилади Федерация баёнотида.
