Мамлакат миллий чемпионати ёшлар биринчилигининг 21-турида Бекободнинг “Металлург” жамоаси сафарда биринчилик пешқадамларидан бири “Бунёдкор”га қарши майдонга чиқди ва 2:4 ҳисобида имкониятни бой бериб қўйди. Учрашув меҳмонлар учун муваффақиятли бошланганди. 10-дақиқадаёқ майдон эгалари ҳимоячиси Эргаш Исмоилов ўз жарима майдончасида Миртўра Акбаровга нисбатан фол ишлатди ва ҳакам иккиланиб ўтирмасдан 11-метрлик нуқтани кўрсатди. Пенальтини Сирож Тошпўлатов бехато ижро этди ва бекободликларни ҳисобда олдинга олиб чиқди. Аммо меҳмонларнинг хурсандчилиги узоқ чўзилмади. Кейинги қарши ҳужумдаёқ майдон эгалари ҳисобни тенглаштиришга муваффақ бўлишди. Биринчи таймнинг ўзида бунёдкорчилар яна икки марта “Металлург” дарвозасини ишғол этишди. Танаффусдан кейин таркибдаги ўзгаришлар бекободликлар ўйинига ижобий таъсир кўрсатгандек бўлди. Длмурод Каримовнинг голидан кейин ўйин янада қизғин тус олди. Бироқ меҳмонлар ўзлари кўзлаган натижага эриша олишмади. Заҳирадан майдонга тушган Жаҳонгир Хўжамов ўйиндаги якуний ҳисобни ўрнатди.   Ёшлар биринчилиги, 21-тур. 10 сентябрь. «Бунедкор» (Тошкент) – «Металлург» (Бекобод) – 4:2. 116 томошабин. Ҳакамлар: И. Гармашов (Тошкент) – 8,4, Д. Акмалов – 8,0, Ш. Миржалолов – 8,0, Р. Серазетдинов - 9 Назоратчи: Г. Имамов (Тошкент). Голлар: С. Азимов (12), Н. Мавлонов (28), Ж. Қаҳрамонов (40), Ж. Хўжамов (90) – С. Тошпўлатов (10-пенальтидан), Д. Каримов (75). Огоҳлантиришлар: Э. Исмаилов (10) – М. Нуралиев (68), С. Тошпўлатов (77). “Металлург”:Т.Тўйчиев, Н.Эсонов, З.Акбаралиев, У.Худоёров, М.Акбаров, З.Абдуллаев, У.Раҳимов, А.Тошқўзиев, С.Тошпўлатов, С.Эрматов, А.Рашидхонов. Заҳирадан майдонга тушганлар:Д.Каримов, Ш.Норбеков, М.Нуралиев, А.Султонов, О.Комилов, А.Алимов.