Ёшлар лигаси 21- тур ўйинлари доирасида ёшларимиз Самарқанднинг "Динамо" клуби билан ўзаро куч синашишди. Учрашувда майдон эгалари иродали ғалабани қўлга киритишди.

Биринчи бўлимда ҳар икки жамоада голга тортадиган кўплаб хавфли вазиятлар яратилди. Бироқ, ҳар икки томон бу имкониятлардан бир маротабадан фойдаланишди. Даст аввал учрашувда ҳисобни вакилларимиз очишди. Азиз Турғунбоев ўз номига гол ёздириб қўйди. Бироқ, мезбонлар танаффусга қадар ҳисобдаги мувозанатни тиклашни уддасидан чиқишди. Ҳакимхон Аламхонов майдон эгалари голига муаллифлик қилди.

Иккинчи бўлимда рақиб фаолликни бироз оширди. Бу эса бўлим ўрталарига келиб ўз самарасини келтирди. Сергей Рекун самарқандликларнинг иккинчи голини уришга муваффақ бўлди. Учрашув охиригача вакилларимиз харчанд урунишмасин, бироқ рақиб дарвозасига йўл топиб бўлмади. Шу тариқа, Мустафо Байрамов шогирдлари яна мағлубиятни тан олишга мажбур бўлишди.

"Динамо" - "Навбаҳор" 2:1 (1:1). 11 сентярь. Самарқанд. 119 томошабин.
Ҳакамлар: Б. Юльчараев - 8, С. Хакимов - 8,1, С. Эшбоев - 8,1, Ш. Камаров - 8.
Назоратчи - Ш. Жумаев.
Голлар: Ҳ. Аламхонов (22), С. Рекун (62) - А. Турғунбоев (6).
Огоҳлантиришлар: Х. Давронов (15), А. Сиддиқов (35), Д. Маматқулов (37), Ж. Қурбонов (58),И. Хамидов (81) - О. Валижонов (35).
Четлатишлар: М. Ражабов (90+2) - Б. Тўрабоев (90+2).