“Челси” матбуот хизмати жамоа машғулотлари вақтида ҳимоячи Жон Террининг ҳужумчи Диего Коста билан жанжаллашгани ҳақида тарқалган хабарларни инкор этди, деб хабар бермоқда The Telegraph га асосланиб Sports.ru.
Аввал talkSPORT шарҳловчиси ва “Ливерпуль” собиқ ҳужумчиси Стэн Коллимор “Челси” футболчиларининг жанжаллашиб қолишганини хабар қилганди.
“Терри ва Диего Коста ўртасидаги жанжал чиққани ҳақидаги гаплар бари уйдирма”, – дейди “Челси” матбуот хизмати бошлиғи.
The Telegraph хабарига кўра, жамоада ҳали Англия премьер-лигаси стартидаги муваффақиятсизликлар муҳокама этилмаган. Эслатиб ўтамиз, “Челси” 5-турдан кейин мусобақа жадвалида 17-ўринда бораяпти.
