“Барселона” президенти Хосепу Мария Бартомеуга навбатдаги марта Испания чемпионатидаги ҳакамлар савияси ҳақида савол берилди. Ушбу мавзу Примеро 3-туридан ўрин олган “Атлетико”га қарши ўйин олдидан қизғин муҳокама қилинди. “Кўк-анорранглилар” учрашувда 2:1 ҳисобида ғалаба қозонган бўлсалар ҳам, кўпчиликнинг фикрича, ҳакам пойтахт жамоаси дарвозасига 3 та пенальти белгилаши мумкин эди.
“Биз учун жамоага алоқадор ҳамма нарса аҳамиятли. Биз ҳакамлар ишини ҳурмат қиламиз.
Мавсум давомида уларнинг ишига баҳо бериб борамиз. Аммо бизга руҳан қаттиқ таъсир қиладиган вазиятлар ҳам содир бўлиши мумкин. Бунга тайёр туришимиз керак. Агар шундай ҳолат бз бергудек бўлса ўша заҳоти вазиятни ўзгартириш устида ишлаймиз. Аммо биз буни оммага ошкор этмаймиз. Лекин нима бўлган тақдирда ҳам миллий биринчиликдаги стартдан қониқиш ҳосил қилдик. Жамоа яхши ўйин кўрсатмоқда”, - дея Championat.com Marca нашрига таяниб Бартомеунинг сўзларини келтиради.
