Кеча тунда Европа Чемпионлар Лигаси 2015/2016 гуруҳ босқич ўйинларига старт берилди. Учрашувларда қандай ҳисоб қайд этилганидан яхши хабардорсиз.
Биз эса қуйида эътиборингизга сешанба оқшомининг энг муҳим воқеалари акс этган фотосуратларни тақдим этмоқчимиз.
“Севилья” футболчилари “Боруссия” дарвозасига тўп киритилганини нишонлашмоқда.
Евгений Коноплянка Чемпионлар Лигасидаги дебют учрашувида гол урди.
“Вольфсбург” ва “ЦСКА” жамоалари ўртасидаги баҳс тақдирини Юлиан Дракслернинг голи ҳал қилди.
Карим Бензема “Шахтёр”га қарши учрашувда “Реал”ни олдинга олиб чиқди.
Криштиану Роналду 11-метрлик нуқтадан “кончилар” дарвозасини ишғол қилди.
Криштиану Роналду 63-дақиқада яна пенальтидан рақиб дарвозабонини ранжитди
Учрашувнинг 81-дақиқасида португалиялик футбол юлдузи хет-трикка эришди.
“Манчестер Юнайтед” ўйинчиси Мемфис Депай ўзининг собиқ клуби “ПСВ” дарвозасини ишғол қилди.
Люк Шоу “ПСВ” ҳимоячиси Эктор Моренонинг тўпга ташланишидан сўнг оёғини синдириб олди.
Антуан Гризман Истамбулда дублга эришиб, “Атлетико”нинг ғалабасини таъминлади.
Франция чемпионлари Анхель Ди Мариянинг “Мальмё” дарвозасига киритган голини тантана қилишмоқда.
Шведлар дарвозасига иккинчи тўпни киритган Эдинсон Кавани ҳам бениҳоя мамнун.
Николас Гайтан (ўнгда) учрашувнинг 51-дақиқасида “Астана” дарвозасини ишғол этди.
“Манчестер Сити” ўйинчилари “Ювентус” ҳимоячиси Жоржио Кьеллинининг автоголини нишонлашмоқда.
Марио Манжукич Манчестердаги ўйинда мувозанатни тиклади.
Марио Манжукич ва Альваро Мората “Юве”га ғалаба келтирган голдан хурсанд.
