"Рома" жамоаси бош мураббийи Руди Гарсия ЕЧЛнинг илк турида "Барселона"га қарши ўтказиладиган ўйин олдидан фикрларини билдириб ўтди.
У ўз жамоаси бу ўйинга бор кучини ташлаши ва рақиб кучлилигига қарамасдан ҳужумкор ўйин кўрсатишига ваъда берган.
"Барселона" турнирнинг амалдаги чемпионлари ҳисобланишади. Агар уларни "дунёнинг энг кучли жамоаси" дейишимга рози бўлмасангиз, "дунёнинг энг кучли жамоаларидан биттаси", дея қоламан. Лекин биз ҳам гуруҳдан чиқишни истаймиз. Гуруҳдаги 6 ўйиндан биринчисида очко олишга ҳаракат қиламиз", дейди Гарсия УЕФА сайти учун берган интервьюсида.
Маълумот учун, "Рома" ва "Барселона" баҳси Тошкент вақти билан соат 23:45да бошланади ва UzReport канали орқали трансляция қилинади.