“Бунёдкор” – “Пахтакор” учрашувидан кейинги матбуот анжуманининг иккинчи қисмида “қалдирғочлар” устози иштирок этди.

- Биз учун навбатдаги қийин ўйин. Ғалаба қозониб, финалга йўлланма олганимиздан хурсандман. Ўйлашимча, бугунги ҳисоб ўйинга мос бўлди. Агарда биз ҳужумкор ўйин кўрсатганимизда, рақиб бизни жазолаши мумкин эди. Чунки “Пахтакор” ҳар бир имкониятни голга айлантирадиган жамоа. Ҳар иккала баҳсда ҳам кўп жиҳатлар “Бунёдкор”га қўл келди. Масалан, таркиб борасида “Пахтакор”да муаммолар юзага келгани қайсидир маънода биз учун фойдали бўлди. Кахи Махарадзе жароҳат олиб, майдонни эрта тарк этди. Унга соғлиқ тилайман. Энди ҳал қилувчи финалда “Насаф” билан ўйнаймиз. Қаршиликлар кучли жамоа ҳисобланадилар. Улар билан сўнгги йилларда кўп бор рўбарў келяпмиз. Демак, қайсидир маънода “Насаф” билан учун принцпиал рақибга айланган. Ўйлайманки, финал қизиқарли бўлади. Мен учун финал қайси шаҳарда ўтиши эмас, балки майдон сифати муҳим аҳамият касб этади, - дейди Сергей Иванович.