«Манчестер Сити» бош мураббийи Мануэль Пеллегрини «Вест Хэм»га қарши ўйин арафасида жамоада жароҳатланган футболчилар ҳақида маълумот бериб ўтди.
«Компани ўйинга тайёр эмас. Худди Сабалета, Клиши ва Делф сингари. Компанининг мушаклари жароҳатланган. У «Вест Хэм» ва «Сандерленд»га қарши ўйинларда майдонга туша олмайди. «Тоттенхэм» билан ўйинда эса унинг аҳволига қараймиз.
Сабалета эса тўлақонлик машғулотларга киришишдан аввал яна бир ҳафта давомида физиотерапевт билан шуғулланиши керак. Ой сўнгида у ўйнашга тайёр бўлади.
Насри сўнгги турда зарба қабул қилди. Эртанги ўйинга у 100 фоиз тайёр эмас. Агуэро эса тўла тикланди. У ўйнашга тайёр», – дейди чилилик мураббий.













