Кеча сайтимизда ЎзПФЛ расмий сайти рус тилидаги саҳифасидан Ўзбекистон кубоги – 2015 финал ўйинининг Жиззахда бўлиб ўтиши ҳақидаги хабарни жойлаштиргандик.
Кечаги хабарда Ўзбекистон миллий ҳамда олимпия терма жамоаларининг халқаро мусобақаларга тайёргарлик жараёни юқори савияда ўтиши учун Ўзбекистон кубоги – 2015 финал ўйини ўтказиладиган вақт ўзгартирилгани яъни 24-ноябрдан 13-октябрга кўчирилгани ва Жиззах шаҳрида ўтказилиши қайд этилганди. Бироқ бугун бу хабарни ЎзПФЛ расмий сайтининг на ўзбекча ва ну русча саҳифаларидан топиб бўлмаяпти.
Лекин биз кеча жойлаштирилган хабарнинг скриншотини топдик. Хабарнинг ҳеч бир изоҳсиз йўқолиб қолганлиги эса бизга қоронғу.
