2013 йили ўз лавозимини тарк этган “Манчестер Юнайтед”нинг афсонавий мураббийи сэр Алекс Фергюсон ушбу қарорининг асл сабабини ошкор қилди. Шотландияликнинг сўзларига кўра, у синглисидан айрилиб қолган турмуш ўртоғи Кэтининг ёнида бўлиш ва уни қўллаб-қувватлаш учун ҳам футболдан кетган.
“Бир куни турмуш ўртоғимни тунда телевизор томоша қилаётган бўлса-да, аммо шифтга термулганча хаёлга чўмганини кўрдим. Мен шунда унинг руҳан қийналаётганини ҳис қилдим. Сиз унинг Бриджет билан эгизак бўлишганидан хабарингиз бўлса керак?
Мен унга бу сафар фаолиятимни якунламоқчилигимни айтганимда, у бунга қаршилик кўрсатмади. Ўшанда рафиқам ҳам шуни хоҳлаётганини тушундим.
Кэти ҳар доим мени кутарди. Ҳатто соат тунга 2 ёки 3 да келганимда ҳам у уйқуга ётмай мени кутиб ўтирарди”, - дея Championat.com The Telegraph нашрига таяниб Фергюсоннинг сўзларини келтиради.
