Мадриднинг "Реал" клуби бош мураббийи Рафаэль Бенитес жамоа ҳужумчиси Криштиану Роналдуни баскетбол бўйича Испания терма жамоаси етакчиси Поу Газолга ўхшатди.
Эслатиб ўтамиз, айни вақтда баскетбол бўйича Испания терма жамоаси Евробаскет-2015 мусобақасида иштирок этмоқда ва финалга қадар етиб борган. Газол мусобақа ярим финалида Франция терма жамоасига қарши кечган учрашувда энг кўп очко келтирган баскетболчи бўлган эди.
"Криштиану - бизнинг Поу Газолимиз. Умид қиламанки, у ҳали узоқ йиллар жамоамизга ёрдам беришда давом этади", - дейди мураббий.