Англия премьер-лигаси пешқадами бўлиб турган “Манчестер Сити” 6-турда ўз майдонида “Вест Хэм”ни қабул қилди.

ЕЧЛ 1-турида “Этихад Стэдиум”да “Ювентус”га ютқазиб қўйган “шаҳарликлар”нинг АПЛдаги ғалабали юриши ҳам тўхтатилди. 

Славен Билич бошқарувидаги “Вест Хэм” Виктор Мозес ҳамда Мамаду Сако киритган голлар эвазига Мануэль Пеллегрини бошқарувидаги “Манчестер Сити”ни мағлубиятга учратди. 

Биринич бўлим охирида “Сити”нинг энг қиммат харидларидан бири бўлган Кевин де Брюйне киритган гол ҳам Манчестер шаҳри клубига ёрдам бера олмади. Якунда 1:2 ва “шаҳарликлар” бу йилги мавсум АПЛдаги илк мағлубиятни қабул қилиб олишди.

Ютқазиб қўйганига қарамай жамоа кейинги тургача барибир 1-поғонада(15 чоко) қолди. Бу турда дуранг қайд этган “Лестер”гина “Сити”га яқинроқ турибди. Агар эртага “МЮ” футболчилари “Саутгемптон” майдонида ғалаба қозонишса ҳамшаҳарларига яқинлашиб олишади ва энг яқин таъқибчи сифатида 13 очкога эга бўлишади. 

6-тур.
МАНЧЕСТЕР СИТИ – ВЕСТ ХЭМ 1:2 (1:2)
19 сентябрь, 21.30, “Этихад Стэдиум” 
Голлар: 0:1 – 6 Мозес, 0:2 – 31 Сако, 1:2 – 45 де Брюйне. 
Манчестер Сити – Харт, Отаменди, Коларов, Санья, Мангаля (Демичелис, 46), Туре, Фернандиньо, Стерлинг (Бони, 66), де Брюйне, Навас, Агуэро.
Вест Хэм – Адриан, Томкинс, Крессуэлл, Дженкинсон, Рид, Нобл, Обианг, Пайе, Лансини, Мозес (Антонио, 60), Сако.
Огоҳлантиришлар: Лансини (22), Обианг (45), Коларов (54).