Испания чемпионатининг 4-турига келиб "Барселона" дастлабки йирик ҳисобдаги ғалабасини қўлга киритди. "Камп Ноу"га сафар қилган "Леванте" рақиб қаршисида ҳеч нарса қила олмади.

Луис Энрике мазкур ўйинда Иньеста, Суарес ва Альбани захирада қолдириб, Адриано, Сандро Рамирес, Мунир эл-Ҳаддодий ҳамда жароҳатдан соғайган Дани Алвесга имкон берди. Ўйиннинг биринчи бўлимида ҳисоб очилмади. Эътиборли томони, Ла лиганинг тўртинчи ўйинидирки, "Барса" биринчи бўлимда гол ура олмаяпти.

Иккинчи бўлимда барчаси жойига тушди. Дастлаб Бартранинг кутилмаганда ҳужумга қўшилиши самарали чиқди. Ҳимоячи Мессидан тўпни қабул қилди ва дарвозани ишғол қилди. Орадан кўп ўтмасдан Алвеснинг узатмасидан кейин Неймар ҳисобни 2:0га етказди.

Қолган иккита голга Месси муаллифлик. Аргентиналик футболчи пенальтидан унумли фойдаланди. "Леванте" эса Тер Штегеннинг қўпол хатосидан сўнг битта жавоб тўпи киритишга муваффақ бўлди. Месси эса навбатдаги 11 метрли жарима зарбасини голга айлантира олмади — тўп дарвоза устидан ўтиб кетди. Шунга қарамай Лео ўйиннинг сўнгги дақиқасида ўз ҳисобига яна битта гол ёзди. У ўнг қанотдан марказ томон юрди ва олис бурчакка тўпни жойлади. Якуний ҳисоб — 4:1.

"Барселона" йўқотишларсиз бормоқда ва 12 очко билан жадвални бошқаришда давом этмоқда.

Испания Ла лигаси, 4-тур
"БАРСЕЛОНА" - "ЛЕВАНТЕ" - 4:1 (0:0)
Голлар: 1:0 – 50 Бартра, 2:0 – 56 Неймар, 3:0 – 61, пенальти Месси, 3:1 – 66 Касадесус, 4:1 – 90 Месси.
Барселона – Тер Штеген, Бартра, Адриано, Дани Алвес, Мунир, Маскерано, Бускетс (Гумбау, 62), Ракитич, Неймар, Месси, Сандро Рамирес.
Леванте – Мартинес, Феддаль, Хуанфран, Тоньо, Трухильо, Лерма, Камараса (Гарсия, 80), Верса, Лопес, Гилас (Касадесус, 63), Марти (Дейверсон, 68).
Огоҳлантириш: Верса (45).