“Барселона” бош мураббийи Луис Энрике Испания примерасининг 4-туридан ўрин олган “Леванте”га қарши учрашув борасидаги фикрлари билан ўртоқлашди. Эслатиб ўтамиз, учрашув 4:1 ҳисобида каталонияликлар фойдасига ҳал бўлди.

“Ҳимояда ўтириб оладиган жамоа билан ўйнаш ҳар доим қийин. 2-бўлимда осонроқ бўлади, чунки рақиб чарчашни бошлайди.

Бартра жамоа учун катта фойдаси тегади. У бугун ҳам ажойиб ўйнади – шерикларига яхши паслар берди, гол уришга иштиёқи баланд бўлди ва бунга эришди. Мукаммал ўйин.

Биз ўйин тизимини ўзгартиришимиз керак. Бу бизни рақиб учун камроқ даражада ойдинроқ қилади.

Сандро ва Муниранинг ўйинидан кўнглим тўлди. Улар келажак ўйинчилари. Улар бизга керак бўладилар, улар бизга ёрдам берадилар.

Бошқа бир дарвозабон ўзига шубҳаланишни бошларди. Бироқ Тер Штеген эмас. Унга баъзида омад кулиб боқмайди, бироқ у “Барса” услубида ҳаракат қилувчи дарвозабон.

Месси пенальтини ура олмагани уни оддий инсонга айлантирадими? У дубль қайд қилди ва голли узатма амалга оширди. Менимча, ҳали ҳам бу инсонларга хос эмас”, — деб айтди Энрике.