Ўзбекистонлик теннисчи Азизхон Турғунов Туркманистон пойтахти Ашохобдда бўлиб ўтган теннис бўйича 5-халқаро “Ashgabat-cup” мусобақасида ғолиб бўлди. Мусобақада Ўзбекистон, Россия, Туркия, Ҳиндистон, Эрон, Қозоғистон ва Қирғизистондан 80 дан ортиқ спортчи иштирок этди. 

Турғунов ўсмирлар ўртасидаги якка баҳслар финалида Россия вакили Сергей Погосянни 6:3, 3:6, 6:2 ҳисобида уч сетда ютди ва мусобақаннг олтин медалини қўлга киритди.

Турғунов жуфтлик баҳсларида мусобақанинг яна битта – кумуш медалини қўлга киритди. У финалда ҳамюрти Амал Султанбеков билан жуфтликда Павел Петров ва Шаробиддин Абзаловдан ташкил топган қозоқ-ўзбек дуэтига имкониятни бой бериб қўйди.

Қизлар ўртасидаги якка баҳсларда россиялик теннисчилар Мария Манилова ва Дарья Соловьева тўқнаш келдилар ва бу ерда Мария Манилованинг қўли баланд келди.

Д.Соловьева жуфтлик баҳслари финалида ўзбекистонлик теннисчи Сабина Смирнова билан биргаликда россиялик М.Манилова ва А.Юрченко дуэти устидан ғалаба қозониб, М.Маниловадан якка баҳслар финалидаги “мағлубият ўчини” олишга муваффақ бўлди.