Англия Футбол Ассоциацияси “Челси” ҳужумчиси Диего Костанинг “Арсенал” билан учрашувда Лоран Косьельнига нисбатан қилган ишини тажовузкор ҳаракат деб баҳолади, деб хабар қилмоқда BBC га асосланиб Спорт Экспресс.
Испания терма жамоаси форварди эртага Тошкент вақти билан 22:00га қадар ушбу ҳаракати юзасидан тушунтириш бериши ва узр сўраши лозим.
Эслатиб ўтамиз, Коста Лоран Косьельнининг юзига урган, “канонирлар” ҳимоячиси Габриэл Паулиста эса жамоадошини ҳимоя қилишга урингани сабаб қизил карточкага лойиқ деб топилганди. Костанинг кечирим сўраши уч ўйиндан иборат дисквалификация жазосини енгиллатмаслиги ҳам мумкин.
Қизиғи Паулистанинг ҳаракати ҳам қониқарли деб баҳоланмади. У ҳам, шунингдек Лондоннинг иккала клуби ҳам пайшанба оқшомигача бу борада тушунтириш хати ёзишлари лозим.
