“Манчестер Юнайтед” собиқ устози Алекс Фергюсон ярим ҳимоячи Поль Погбанинг клубдан кетиши ва “Ювентус”га ўтиши борасидаги сирларни ошкор этди.
“Менга ёқмайдиган бир-иккита футбол агентлари бор. Погбанинг вакили Мино Райола ҳам улардан бири. У билан танишган илк кунимдаёқ Райолага ишониб бўлмаслигини тушунганман.
Райола Златан Ибрагимович “Аякс”да ўйнаган вақтидаёқ унинг агентига айланган. Кейинчалик эса кутилмаганда 18 ёшли Погбанинг манфаатларини ҳимоя қилишни бошлаганди.
Поль ва клуб ўртасидаги келишув уч йилга тузилган ва унда яна бир йилга узайтириш банди бор эди, биз ушбу имкониятдан фойдаланмоқчи эдик. Аммо кутилмаганда Райола пайдо бўлди ва менинг у билан ўтказган биринчи учрашувимдаёқ ҳамма нарса ўзгариб кетди. У билан сира бир тўхтамга кела олмадик.
Айнан шу кундан ҳаммаси якунига етди, Райола Погба ва унинг оиласи ишончини қозонди ва бу якунда Полнинг “Ювентус”га ўтишига туртки бўлди”, — дея Фергюсон ўзининг янги таржимайи ҳолидаги гаплардан иқтибос келтирган Goal.com га асосланиб Sports.ru.
