“Милан” ҳужумчиси Марио Балотелли Италия А Серияси 5-тури доирасида “Удинезе”га қарши ўтган учрашувдан олган таассуротлари билан ўртоқлашди.
“Жамоамизда жангчилар йиғилган. Иккита аҳмоқона голни ўтказиб юбордик, аммо ўйин охиригача курашдик. Ҳар доимгидек жамоанинг муваффақияти учун ҳаракат қилдим.
Ўйини осон ўтмади, рақибнинг асабимни бузишга уринишини билгандим. Сариқ карточка ўйинимга таъсир ўтказди, лекин умуман олганда, ўз ҳаракатларимдан қониқдим. Италия ва Англия матбуотида сўнгги йилларда менинг шаънимга айтилган гаплар ғазабимни қўзғаётганди.
Кийиниш хонасида ва шахсий ҳаётда мен бошқалар тасаввур қилгани каби эмасман”, – дея Балотелли сўзларини келтиради Milan News га таяниб Sports.ru.
