Сергей Лушчан истефо бергач бундан кейин “Бунёдкор” ФК бош мураббийи сифатида асосий жамоага ким жавоб беради деган савол кўриб чиқилди.

“Бунёдкор” ФК раҳбарияти асосий жамоанинг Ўзбекистон чемпионати ва кубогидаги иштироклари учун жавобгарлик масъулиятини клубнинг бош директори Бахтиёр Бобоев зиммасига юклатиш лозимлигини маъқул топди.

Бахтиёр Бобоев футбол жамоатчилигида бир қанча жамоалардаги иштироки, шунингдек “Косонсойчи” ва “Навбаҳор” жамоаларидаги мураббийлиги билан яхши таниш. 1996 йили Бахтиёр Бобоев бошчилигида “Навбаҳор” мамлакат чемпионлигини қўлга киритган эди.

У Муборакнинг “Машъал” футбол мактабини ташкил этиш ва шакллантиришда катта ҳисса қўшган.

2007 йилдан буён “Бунёдкор” ФКда фаолият юритиб келмоқда. Аввалига клубнинг спорт директори, кейинчалик бош директор лавозимида фаолият юритиб келмоқда. Бахтиёр Бобоев клуб тизимидаги барча ишларга доимо бошчилик қилган. Шунингдек, мураббийлар штаби ва асосий таркибдаги футболчиларнинг имкониятларини яхши биладиган матахассис ҳисобланади.

2015 йилги мавсумнинг якуний босқичидаги масъулиятли учрашувларда Бахтиёр Бобоев ва жамоаларимизга муваффақиятлар тилаймиз.