"Бунёдкор" - "Сўғдиёна" жамоалари ўртасидаги беллашув якунлангач, мураббийлар ОАВ ходимларининг саволларига жавоб қайтарди.

Даврон ФАЙЗИЕВ (“Сўғдиёна” жамоаси бош мураббийи): - Бугунги Қурбон ҳайити байрами билан жамоа номидан табриклайман! Биз шундай касб танлаганмиз, байрам куни ҳам ишлайверамиз. Ўйин ҳақида нима дейишим мумкин? Кубок учрашувининг нусхасини кўрдик. Рақиб биринчи бўлимда голни пенальтидан уришди. Ўйлашимча, ҳакам бундай вазиятларда сал эътиборлироқ бўлиши керак. Ютқаздик – ютқаздик, фойдаси йўқ. Тошкентга ҳимояга “ётиб” олиш учун келмагандик. 

Бизда ҳужумни якунлаш борасида муаммолар бор. Чунки жамоамизда Зуаги, Сато сингари ҳужумни якунлай оладиган футболчилар йўқ. Ҳужум уюштиряпмиз, аммо якунлашга келганда оқсаяпмиз. Кам гол уриб, кўп ўтказиб юбораётганимиз ҳам шу билан боғлиқ. Машғулотларда ишлаяпмиз, яхши бўлади, деган умиддамиз.