“Реал” бош мураббийи Рафаэль Бенитес Испания чемпионати 6-тури “Малага”га қарши ўйиндан олган таассуротлари билан ўртоқлашди.
“Рақиб дарвозаси томон кўплаб хавфли зарбалар йўлладик, етарлича вазиятларга эга бўлдик, бироқ гол кирита олмадик. Рақиб ҳимояда ётиб олган вақтида эркин ўйнаш қийинчилик туғдиради.
Бу каби ўйинларда ҳушёрликни йўқотмаслик керак, акс ҳолда қарши ҳужумдан гол ўтказиб юбориш мумкин. Жарима майдончасига кўп марта ёриб кирдик, “Малага” эса уч марта дарвозамизга хавф солди.
Жамоамиз жисмоний томондан кучли эканини намойиш қилди. Мен ўйин барқарор ўтишини талаб қилгандим, якунда бунга эриша олдик. Учрашувнинг охирги 5 дақиқасида футболчилар ҳаяжонланишгани билинди, аслида улар ҳотиржамликни сақлаб қолиб, тўпни назорат қилган ҳолда ҳужумлар уюштиришлари керак эди.
Ўйин қийин ўтди, лекин агар голли вазиятлар бўйича ҳисоб-китоб қиладиган бўлсак, уни яхши ўтказдик дея оламан”, – дея Бенитес сўзларини келтиради Football Espana га таяниб Sports.ru.
