“Челси” ҳужумчиси Диего Костанинг акаси Жаир Коста укасининг болаликдан феъли тез бўлганини айтиб ўтди.
Эслатиб ўтамиз, Коста АПЛ 6-тур “Арсенал”га қарши ўйинда(2:0) қилган ҳатти-ҳаракатлари учун учта ўйинга дисквалификация қилинганди. У “тўпчилар” билан учрашув вақтида “Арсенал” ҳимоячиси Лоран Косьельнининг юзига урган, кейин эса бошқа бир ҳимоячи Габриэль Паулиста билан конфликтга борганди.
– Диего Коста билан содир бўлган воқеа мени ҳайратлантиргани йўқ. Унинг ҳаёт тарзи шундай. Диего ўзини бошқара олмайди ва тез жанжаллашади. Укам билан муносабатларимиз жуда яхши эди, аммо футбол ўйнаган вақтимизда кўп жанжаллашганмиз. Иккаламиз ҳам анча қайсармиз ва урушган пайтимиз бир-биримизни аямай муштлардик. У ютқазишни ёмон кўради, болалик чоғларимизда ҳам жамоаси мағлуб бўлаётган вақтда асаби бузиларди, – дея Жаир Костанинг сўзларини келтиради Daily Mirror га Спорт Экспресс нашри.
