Украина чемпионати 9-турида ҳамюртимиз Санжар Турсунов ҳаракат қиладиган “Ворскла” жамоаси “Черноморец” жамоаси билан тўқнашди. 

Одессада шаҳрида ўтган қизиқарли учрашувда иккала жамоа ҳам дарвозаларга гол киритишнинг уддасидан чиқа олишмади. Якунда нурсиз дуранг қайд этилди. 

Ўзбекистон миллий терма жамоаси аъзоси Санжар Турсунов баҳсда тўлиқ 90 дақиқа ҳаракат қилди. 

Айни вақтда “Ворскла” УПЛ мусобақа жадвалида ҳали мағлубият аламини тотиб кўрмаган 2 та клубнинг биттаси бўлиб турибди ва 15 очко билан 4-ўринни эгаллаган. Чемпионатда ҳали боши эшилмаган яна бир жамоа бу пешқадам – “Динамо” Киев. 

9-тур.
ЧЕРНОМОРЕЦ ОДЕССА – ВОРСКЛА 0:0 (0:0)
27 сентябрь, 19.00, “Черноморец” 
Черноморец Одесса – Боровик, Слинкин, Мартыненко, Гадрани, Калитвинцев, Куценко, Смирнов, Данченко, Коркишко (Кабаев, 76), Стариков (Мурашов, 80), Переверза (Насими, 83).
Ворскла – Ткаченко, Сапай, Даллку, Симинин, Дитятьев, Ткачук (Ковпак, 71), Чеснаков, Бартулович, Громов, Санжар ТУРСУНОВ, Шиндер.
Огоҳлантиришлар: Симинин (43), Даллку (58), Шиндер (58), Коркишко (73).
Четлатиш: Бартулович (62).