"Реал" бош мураббийи Рафаэль Бенитес "Атлетико"га қарши учрашувда жамоа яримҳимоячиси Хамес Родригеснинг ёрдамидан фойдалана олмайди.
Машғулотларнинг бирида колумбиялик футболчининг чап оёғи сонидаги жароҳати қайталанди ва сафдан чиқди. Шунингдек, Хамес 3 ва 13 октябрь кунлари ЖЧ-2018 саралашида Перу ва Уругвай термаларига қарши учрашувларда ҳам Колумбия терма жамоасига ёрдам бера олмайди.
"Реал"нинг "Атлетико"га қарши учрашуви 4 октябрь куни бўлиб ўтади. Испания чемпионатининг 7-туридан ўрин олган ушбу учрашув "Атлетико" майдонида бўлиб ўтади.