“Пахтакор” бош мураббийи Нўъмон Ҳасановнинг Фарғонада бўлиб ўтган “Нефтчи” – “Пахтакор” учрашуви давомида ўзининг тутиши ЎФФ президенти Мираброр Усмонов томонидан кескин равишда танқид қилинганди.

“Умуман ким деб ўйлаяпти ўзини бу “Пахтакор” раҳбарлари? “Металлург” билан можаро совиб улгурмай, бош мураббий Нўъмон Ҳасановнинг Фарғонада “Нефтчи”га қарши ўйинда ўзини қандай тутганини нима билан изоҳлаш мумкин?” – дея “шерлар” устози Мираброр Усмонов томонидан ЎзПФЛ клублари раҳбарлари ва мураббийлари билан учрашувда танқид остига олинганди.

“Футбол Экспресс” газетаси мухбири Ҳасанов билан суҳбатлашиб, вазиятга ойдинлик киритди. Маълум бўлишича, Нўъмон Ҳасанов емаган сомсасига пул тўламоқчи эмас экан. Фарғонадаги учрашувда у ўзини яхши тутгани, фақат клуб маъмури билан бир вазият муаммо бўлгани, лекин ҳолатда Аҳрол Иноятов айнан Ҳасанов ўз хулқини ёмон кўрсатди, дея ўйин “протоколи”га ёзиб юборганини мураббий куюниб гапирган.