Испания чемпионатининг 7-туридан ўрин олган марказий учрашувида “Атлетико” ва “Реал” муроса кўчасини танлашди. Furkat.uz сайти ўз анъанасига содиқ қолган ҳолда учрашувга оид қизиқарли фактларни эътиборингизга ҳавола этади.

1. “Атлетико” ва “Реал” Ла Лигада 157-марта рақиб бўлишди.
2. Мазкур жамоалар 34-марта муроса кўчасини танлашди. “Реал” ҳисобида 85, “Атлетико”да 38 та ғалаба мавжуд.
3. Бензема “Реал”нинг 281-голини урган бўлса, Виетто “Атлетико”нинг 212-голига муаллифлик қилди.
4. “Қироллик клуби” Примьеро доирасида охирги 5 та ўйинда “матрасчилар”ни мағлуб эта олмаяпти.
5. Ушбу жамоаларнинг охирги 10 ўйинининг 2 тасидаги “Реал”нинг қўли баланд келди.
6. Криштиану Роналду 2010/11 йилги мавсумдан буён илк бора қаторасига 4 ўйинда гол кирита олмади.
7. “Реал” ҳужумчиси Карим Бензема клубдаги 140-голини киритди. Француз бунинг учун 289 та ўйин ўтказишига тўғри келди.
8. Бензема ўз фаолиятида илк бора Испания чемпионати тўпурарлари пойгасида биринчи ўринга чиқиб олди. Айни пайтда унинг ҳисобида Ла Лигада урилган 6 гол мавжуд.
9. “Реал” посбони Кейлрос Навас ушбу мавсумда ўз дарвозасига белгиланган иккинчи пенальтини ҳам баратараф этди.
10. “Қироллик клуби” ҳимоячиси Серхио Рамос клуб таркибидаги 450-учрашувини ўтказди. Рамос ана шу ўйинларда ўз ҳисобига 58 та гол ёздириб қўйган.
11. “Галактикос” ярим ҳимоячиси Каземиро клублардаги фаолиятидаги юбилей 200-учрашувини ўтказди.
12. “Атлетико”нинг ягона голига муаллифлик қилган Вието клуб таркибидаги илк голини урди.
13. “Матрасчилар” ҳужумчиси Фернандо Торрес Навас дарвозасини ишғол қилганида жамоа таркибидаги 100-голини урган бўларди. “Эль Нино” ҳисобида ҳозирча 279 ўйинда 99 гол мавжуд.

Фурқат Юсупов тайёрлади
Манба: www.Furkat.uz