Тошкентнинг “Бунёдкор” жамоаси финалга қадар олтита учрашув ўтказди.

Даставвал 1/8 финалда биринчи лига вакили “Обод” жамоаси қаршилиги синдирилди. “Бунёдкор” ўз уйида 1:0 ҳисобида устун келган бўлса, жавоб баҳсида 1:1 ҳисоби қайд этилди.

Чорак финалда “Сўғдиёна” жамоаси ҳар иккала баҳсда ҳам мағлубиятга учратилди. Жиззахда 2:1, Тошкентда 2:0 ҳисобида зафар қучган “Бунёдкор” ярим финалга йўлланма олди.

Финал остонасида эса “Пахтакор” тўсиғидан муваффақиятли ўтилди. “Шерлар” мезбонлигида ўтган қизиқарли баҳсда “қалдирғочлар” 3:2 ҳисобида устун келишди. Жавоб учрашувда ҳам “Бунёдкор” дастлабки ғалаба тасодиф эмаслигини амалда исботлаб ва ғолиб чиқди – 1:0.

Шу тариқа, “Бунёдкор” финалга қадар 6та учрашув ўтказиб, шуларнинг бештасида ғалаба қозонди ва битта дуранг қайд этди. Тўплар фарқи – 10:4.

Қуйидаги ҳаволаларда “қалдирғочлар”нинг финалга қадар ўтказган учрашувларида киритилган голларни томоша қилишингиз мумкин.