Европа чемпионлар лигаси гуруҳ босқичининг 3-тури доирасида 4та гуруҳда дастлабки кун ўйинлари бўлиб ўтди.
"Е" гуруҳида "Барселона" Борисовда кутилган ғалабага эришди. Иван Ракитич томонидан киритилган иккита гол каталонияликларга БАТЭ устидан ғалабани тақдим этди.
Гуруҳнинг яна бир баҳсида эса мухлислар ҳақиқий триллерга гувоҳ бўлишди. "Байер" - "Рома" ўртасидаги ўйинда дарвозаларга жами 8та тўп киритилди. Ўйиннинг 19-дақиқасига келиб Чичаритонинг иккита голи эвазига ливеркузенликлар 2:0 ҳисобида олдинга чиқиб олишди. Кейинчалик ташаббусни ўз қўлига олган "бўрилар" нафақат ҳисобни тенглаштиришди, балки кетма-кет 4та гол уриб, 4:2 ҳисобида олдинга ўтиб олишди. Учрашув тугашига 6 дақиқа қолганида "Байер" иккита гол урди ва ҳисобни тенглаштирди — 4:4!
Мазкур дуранг натижа "Барселона"нинг фойдасига ишлади. Энрике шогирдлари 3-турдан сўнг яқин таъқибчиларини 3 очкога ортда қолдиришмоқда.
Европа чемпионлар лигаси, гуруҳ босқичи, 3-тур
"Е" ГУРУҲИ
БАТЭ Беларусь – Барселона Испания 0:2 (0:0, 0:2)
Голлар: 0:1 – 48 Ракитич, 0:2 – 64 Ракитич.
БАТЭ – Черник, Гайдучик, Милунович, Младенович, Володько (Карницкий, 62), Володько, Стасевич, Гордейчук, Николич (Яблонский, 66), Поляков, Сигневич (Мозолевский, 80).
Барселона – тер Штеген, Дани Алвес, Бартра, Альба, Пике, Серджи Роберто (Ракитич, 18), Бускетс (Гумбау, 73), Маскерано, Мунир (Сандро Рамирес, 70), Неймар, Суарес.
Огоҳлантиришлар: Бускетс (23), Поляков (29), Дани Алвес (41), Володько (43), Гайдучик (61), Гумбау (74), Карницкий (82), Милунович (83), Володько (88).
Байер Германия – Рома Италия 4:4 (2:2, 2:2)
Голлар: 1:0 – 4, пенальти Эрнандес, 2:0 – 19 Эрнандес, 2:1 – 29 де Росси, 2:2 – 38 де Росси, 2:3 – 54 Пьянич, 2:4 – 73 Яго Фальке, 3:4 – 84 Кампль, 4:4 – 86 Меҳмедий.
Байер – Лено, Пападопулос, Та, Венделл, Топрак (Юрченко, 79), Кампль, Крамер (Брандт, 66), Чалханоглу, Бельараби (Меҳмедий, 57), Донати, Эрнандес.
Рома – Шченсни, Рюдигер, Динь, Торосидис, Манолас, Салоҳ (Яго Фальке, 62), Флоренци (Итурбе, 90), Пьянич, де Росси, Жервиньо (Жеко, 85), Наингголан.
Огоҳлантиришлар: Наингголан (24), де Росси (34), Крамер (36), Венделл (90).
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Барселона | 3 | 2 | 1 | 0 | 5-2 | 7 |
| 2 | Байер | 3 | 1 | 1 | 1 | 9-7 | 4 |
| 3 | БАТЭ | 3 | 1 | 0 | 2 | 4-8 | 3 |
| 4 | Рома | 3 | 0 | 2 | 1 | 7-8 | 2 |
