Олий лига 26-тури доирасидаги “Бунёдкор” – “Пахтакор” учрашувида “қалдирғочлар” муваффақият қозонишди.

Биринчи бўлимда Шакер Зуаги пенальтидан гол ура олмади. Унинг зарбасини дарвозабон қайтарди. Танаффусдан кейин Акмал Шораҳмедов чамаси 35 метрлар узоқликдан Александр Лобанов қўриқлаган дарвозага супергол уриб ҳисобни очган бўлса, иккинчи бўлим ўрталарида Достонбек Ҳамдамов “қалдирғочлар”нинг иккинчи голига муаллифлик қилди. Шу тариқа, “Бунёдкор” пойтахт дербисида “Пахтакор”дан 2:0 ҳисобида устун келди.

Қуйидаги ҳаволалар орқали “Бунёдкор” – “Пахтакор” учрашуви видеошарҳини томоша қилишингиз мумкин.