Футбол бўйича Ўзбекистон чемпионатининг 26-тури доирасидан ўрин эгаллаган «Металлург» - «Олмалиқ»жамоалари учрашувининг танаффус пайтида мамлакатимиз футболи тараққиётига муносиб улуш қўшган футбол фахрийларини тақдирлаш маросими ўтказилди.   “Кексаларни эъзозлаш” йили муносабати билан ташкил этилган мазкур тадбирга пойтахтдан Тўлаган Исоқов, Равшан Юнусов, Розиқ Тўрғунов, Шамил Яфаров ҳамда Николай Любарцевлар ташриф буюришган бўлишса, шунингдек, пойтахт вилояти футболи, бевосита Бекобод футболи ривожига муносиб улуш қўшган ветеранлар ҳам эъзозланди. Булар Шоҳидбек Юлдашев, Владимир Цхай, Ҳусанбой Ражабов, Норбек Юлдашев, Ҳамид Ҳожиматов, Абдумутал Юсупов, Саидаҳмад Маҳмудов ҳамда Бурҳон Дўстматовлардир. Футбол фахрийларининг барчасига “Металлург” футбол клуби номидан зарбоф тўнлар, қийиқча ва ўзбекона дўппилар кийдирилди. Ўйиндан сўнг эса фахрийлар бир пиёла чойга таклиф этилди.