“Барселона” ҳимоячиси Хавьер Маскерано Ла Лиганинг “Эйбар”га қарши ўйинида ҳакамга нисбатан ҳақоротомуз сўзларни ишлатгани учун қизил карточка олган эди. Бунинг натижасида аргентиналик футболчи 4 та ўйинга четлатилиши мумкин.
Футболчининг ўзи эса бу сўзлар ҳакамга қаратилмаганини айтмоқда. Barcastuff (клубнинг twitterдаги расмий саҳифаси)нинг тарқатган хабарига кўра Испания футбол лигасининг тартиб -интизом бўлими масалани ўрганиб чиқиб сўнгги қарорни чиқаради.
Эслатиб ўтамиз, “Барселона”нинг бошқа футболчиси Херар Пике ҳам мавсум аввалида “Атлетик” билан бўлган суперкубок ўйинида ён ҳакамни ҳақоратлагани учун 4 та ўйинга дисквалификация қилинган эди.