“Барселона” президенти Хосеп Бартомеу Каталония байроғининг уй учрашувларига олиб кирилиши юзасидан УЕФА олиб бораётган суриштирув ишларига муносабат билдирди.
Эслатиб ўтамиз, УЕФА каталониялик мухлисларнинг “Байер”га қарши ЧЛ ўйинига Каталония байроғини олиб кирганлари учун “Барселона”ни жаримага тортганди.
“Биз УЕФАга қарши жанг қилаётганимиз йўқ. Биз шунчаки клубимиз вакиллари ҳуқуқларини ҳимоя қилмоқчимиз холос. УЕФА стадионимизни ёпиб қўймоқчи бўлди, аммо биз бунга йўл қўймадик. Агар бизни янги жарима билан жазолашса, у ҳолда Лозанна судига арз қиламиз. Агар бундан иш чиқмаса, у ҳолда Швейцария судига юзланамиз”, - дея Бартомеу сўзларини келтиради Bombardir.ru.
