Спорт гимнастикаси бўйича икки карра жаҳон чемпиони ўзбекистонлик Оксана Чусовитина Шотландиянинг Глазго шаҳрида бўлиб ўтган ЖЧ-2015даги ўзининг иштирокидан қониқиш ҳосил қилди. Мазкур мусобақа унга Рио-2016 олимпиадасида иштирок этиш учун муҳим қадам вазифасини ўтаб берди, деб ёзади ТАСС.
Чусовитина чемпионатнинг саралаш босқичида кўпкураш йўналишида фақатгина 52-ўринни эгаллади ва финал йўлланмасини қўлга кирита олмади (финалга 24 гимнастикачи йўлланма олади). Оксананинг энг севимли йўналиши бўлган таяниб сакраш баҳсларида у 30-ўринни эгаллади ва бу йўналишда ҳам финалга чиқа олмади.
«Бу мусобақа ёмон қатнашмадим деб ҳисоблайман. Асосий вазифа бу ерда олимпиададан олдинги ҳафталик мусобақада иштирок этиш ҳуқуқини қўлга киритиш эдию Натижада мен ўзимнинг азалий орзуим еттинчи марта Олимпиадада иштирок этиш учун муҳим қадам ташладим», дея таъкидлади Чусовитина.
Олимпиада олди ҳафталик саралаш босқичи келгуси йилнинг 16-24 апрель кунлари Рио- де-Жанейрода бўлиб ўтади. Бу ерда эркаклар ва аёллардан яна тўрттадан жамоа олимпиада йўлланмасини қўлга киритиш имкониятига эга бўлади. Шунингдек, спортчиларнинг олимпиададаги шахсий кўрсаткичларига қараб ҳам қўшимча саралаш очколари берилади.
Маълумот учун, 41 ёшли Чусовитина - гимнастка тарихида 6та олимпиадада қатнашган ягона спортчи саналади. Илк марта у Барселонада бўлиб ўтган ОЎ-1992 МДҲ жамоаси таркибида жамоавий мусобақаларда олтин медални қўлга киритганди.
