Чемпионат баҳслари қизғин палласига келди. Яна уч турдан кейин мамлакатимизда футбол мавсуми поёнига етади. Жўжани санайдиган паллада ҳар бир жамоа майдонга ўзгача руҳ билан тушаётгани ҳеч кимга сир эмас. Бу ёғда тақвим тиғиз. Ўйинлар ўтадиган кунлар орасидаги фарқ ҳам унчалик кўп эмас. Демак, дам олишга фурсат йўқ.
Буни яхши ҳис этган жамоамиз аъзолари ҳам 30 октябрь куни бўлиб ўтадиган вилоят дербисига тайёргарликни давом эттиришмоқда. Бир сўз билан айтганда, тайёргарлик бир маромда давом этмоқда.
Кеча ҳам Рустам Абдуллаев шогирдлари Қўқондаги “Марказий” стадионда навбатдаги машғулотни ўтказишди. Ушбу машғулотдан олинган фотолар билан танишинг.
