Бугун ёшлар лигасида 28-тур учрашувлари бўлиб ўтди. Унда “Динамо” – “Насаф”, “Машъал” – “Пахтакор”, “Бунёдкор” – “Андижон” каби баҳслар бугун бўлиб ўтди.
Мусобақа жадвалида биринчи ўринда бораётган “Бунёдкор” бу турда ўз уйида “Андижон” ёшларини йирик ҳисобда доғда қолдирди ва “Пахтакор” билан орадаги бир очколик фарқни 4 тага етказиб олди. Ёш “шерлар” эса яқин таъқибчисидан мағлубиятга учраган ҳолда ўз имкониятларини пасайтириб юборди. Тошкентликлар устидан қозонилган ғалаба “Машъал”га камида бронза медалларини нақд қилди. Шунингдек, сафарда ютқазган “Насаф” ёшлари тўртинчи ўрин учун бўлган имкониятини кескин пасайтириб юборди.
“Динамо” – “Насаф” 2:0
Голлар: Ҳамдам Раҳмонов, Амиржон Сафаров
“Машъал” – “Пахтакор” 1:0
Гол: Сардор Абдураимов 55 (пен.)
“Бунёдкор” – “Андижон” 7:1
Голлар: Нодир Мавлонов 14, 16, Сардор Азимов 27, Ислом Қобилов 35, Муҳаммадодил Қаҳрамонов 69, Жавоҳир Эсонқулов 84, Қаҳрамонов 49, Низомов 39
