Кеча "Бухоро" жамоаси Бекободда "Металлург" жамоасини мағлубиятга учратди. Ушбу ғалаба муҳимлиги билан бирга, тарихий ҳам саналади. Сабаби "Бухоро" "Металлург" майдонида бугунки кунга қадар бирон маротаба ғалаба қозонмаган эди
Бу жамоалар ўртасидаги Бекободда бўлиб ўтган 16та учрашувнинг 15тасида “Металлург” ғалаба қозонган. “Бухоро” ўз тарихида умуман “Металлург”ни сафарда мағлуб эта олмаган, фақат бир бор (1998 йил) Бекободдан дуранг билан қайтган. “Бухоро” сафардаги охирги 15та ўйиннинг барчасида бу жамоага ютқазган. Ниҳоят, 2015 йил 30 октябр куни "Бухоро" Бекободда "Металлург"ни мағлубиятга учратиб, бу қора анъанага чек қўйди.